Tanya Zharov

  • Stjórnarformaður

Tanya var kjörin í stjórn félagsins í apríl 2016. Hún hefur verið aðstoðarforstjóri Íslenskrar erfðagreiningar frá 2016 en áður starfaði hún sem framkvæmdastjóri lögfræðisviðs Virðingar hf. frá 2014-2015 og sem framkvæmdastjóri lögfræðisviðs Auðar Capital frá 2008-2013. Tanya er lögfræðingur að mennt og útskrifaðist sem Cand. Juris frá lagadeild Háskóla Íslands. Hún á sæti í stjórnum félaga sem tengjast ekki starfsemi Íslandssjóða og er m.a. stjórnarformaður Carbon Recycling International og varamaður í stjórn Sýn hf. Tanya eða tengdir aðilar eiga ekki eignarhlut í Íslandssjóðum og er hún óháð bæði félaginu og stórum hluthöfum þess og hefur ekki hagsmunatengsl við helstu viðskiptaaðila eða samkeppnisaðila Íslandssjóða. Hún situr í starfskjaranefnd Íslandssjóða en hefur ekki tekið að sér dagleg störf fyrir félagið. Tanya er fædd árið 1966.

Kristján Björgvinsson

  • Varaformaður stjórnar

Kristján var fyrst kjörinn í stjórn félagsins sem varamaður en kom inn sem aðalmaður í apríl 2012. Hann hefur verið framkvæmdastjóri fjármálasviðs Mjólkursamsölunnar og Auðhumlu frá 2010 og starfaði áður m.a. við endurskipulagningu á innri rekstri SPRON/Dróma 2009-2010 og sem framkvæmdastjóri fjármálasviðs Geysis Green Energy 2007-2008. Hann er viðskiptafræðingur frá Háskóla Íslands, með M.Sc. gráðu í fjármálum frá HÍ auk þess að vera löggiltur endurskoðandi og með próf í verðbréfaviðskiptum. Kristján eða tengdir aðilar eiga ekki eignarhlut í Íslandssjóðum og er hann óháður bæði félaginu og stórum hluthöfum þess og hefur ekki hagsmunatengsl við helstu viðskiptaaðila eða samkeppnisaðila Íslandssjóða. Kristján situr í endurskoðunarnefnd Íslandssjóða en hefur ekki tekið að sér dagleg störf fyrir félagið. Hann er fæddur árið 1964.

Jensína Kristín Böðvarsdóttir

  • Meðstjórnandi

Jensína Kristín var kjörin í stjórn félagsins í apríl 2016. Hún hefur verið framkvæmdastjóri Global Strategic Planning og HR hjá Alvogen frá 2016 og starfaði áður m.a. sem framkvæmdastjóri þróunar og mannauðs hjá Landsbankanum 2010-2015 og sem forstöðumaður sölu á einstaklingssviði Símans 2007-2010. Jensína er með BA gráðu í auglýsingafræði frá San Jose State University og MBA gráðu frá University of San Diego. Jensína á sæti í stjórn félags sem tengist ekki starfsemi Íslandssjóða. Jensína eða tengdir aðilar eiga ekki eignarhlut í Íslandssjóðum og er hún óháð bæði félaginu og stórum hluthöfum þess og hefur ekki hagsmunatengsl við helstu viðskiptaaðila eða samkeppnisaðila Íslandssjóða. Jensína hefur ekki tekið að sér dagleg störf fyrir félagið.  Hún er fædd árið 1969.

Sigurður B Stefánsson

  • Meðstjórnandi

Sigurður var kjörinn í stjórn félagsins í apríl 2017. Hann er sjálfstætt starfandi og starfaði áður m.a. sem sjóðstjóri hjá Rose Invest 2009-2011, sjóðstjóri og formaður fjárfestingaráðs hjá Eignastýringu Landsbankans 2011-2013 og hagfræðingur hjá Landsbankanum frá 2013-2015. Sigurður er með B.Sc. Hons. í verkfræði frá háskólanum í Edinborg, M.Sc. í stjórnunarfræði frá London School of Economics, M.Sc. í stærðfræðilegri hagfræði frá sama skóla og Ph.D. í hagfræði frá háskólanum í Essex. Hann á sæti í stjórn félags sem tengist ekki starfsemi Íslandssjóða. Sigurður eða tengdir aðilar eiga ekki eignarhlut í Íslandssjóðum og er hann óháður bæði félaginu og stórum hluthöfum þess og hefur ekki hagsmunatengsl við helstu viðskiptaaðila eða samkeppnisaðila Íslandssjóða. Sigurður situr í endurskoðunarnefnd Íslandssjóða en hefur ekki tekið að sér dagleg störf fyrir félagið. Hann er fæddur árið 1947. 

Varamenn

  • Hólmfríður Einarsdóttir
    B.Sc. Business and International Marketing
  • Jón Eðvald Malmquist
    Lögmaður - verkefnastjóri hjá LOGOS lögmannsþjónustu

 

Framkvæmdastjóri Íslandssjóða hf. er Kjartan Smári Höskuldsson