Úrræði viðskiptavina

Aðilar geta leitað réttar síns fyrir almennum dómstólum hafi ágreiningsefnið ekki verið undanþegið lögsögu þeirra með lögum eða samningi.

Komi upp ágreiningur milli viðskiptavinar og Íslandssjóða getur viðskiptavinur sent Íslandssjóðum kvörtun. Með kvartanir er farið samkvæmt verklagsreglum Íslandssjóða um meðferð kvartana. Kvörtun er hægt að bera fram með ýmsum hætti, s.s. með tölvupósti á islandssjodir@islandssjodir.is, bréfleiðis, með símtali eða á fundi.

Stefna um meðhöndlun kvartana (PDF)

Neytendastofa er stjórnvald á sviði neytendamála sem annast framkvæmd á ýmsum lögum á sviði neytendaverndar. Á vef Neytendastofu er m.a. unnt að nálgast upplýsingar um það í hvaða tilvikum og með hvaða hætti neytendur geta leitað til stofnunarinnar, telji þeir að réttur sé á þeim brotinn.

Persónuvernd annast eftirlit með framkvæmd laga um persónuvernd og meðferð persónuupplýsinga og úrskurðar í ágreiningsmálum á sviði persónuverndar, svo sem ef viðskiptavinur telur misfarið með persónugreinanlegar upplýsingar.

Á vef stofnunarinnar má finna upplýsingar um með hvaða hætti er hægt að leggja fram kvörtun.

Íslandssjóðir líta tilkynningar um meint misferli mjög alvarlegum augum. Við hvetjum þig til að láta vita ef þú hefur vitneskju eða grun um hugsanlegt misferli sem tengist starfsemi félagsins á einhvern hátt. Þannig aðstoðar þú við að upplýsa um brot sem valdið geta viðskiptavinum, almenningi, félaginu og atvinnulífi miklu tjóni. Tilkynning um misferli þarf að byggja á rökstuddum grun, sem þarf þó ekki að vera hafinn yfir allan vafa. 

Lögð er áhersla á að gæta fyllsta trúnaðar gagnvart þeim sem koma með ábendingar. Innri endurskoðandi Íslandssjóða leiðir innanhússrannsóknir ef grunur vaknar um misferli innan félagsins.  

Tilkynningakerfið er rekið af ytri þjónustuaðila (WhistleB, Whistleblowing Centre) til að tryggja nafnleynd og verndun þess sem tilkynnir um misferli. Samskiptaþráðurinn er dulkóðaður og varinn með lykilorðum. Upplýsingar í kerfinu eru eingöngu aðgengilegar misferlisteymi Innri endurskoðunar Íslandssjóða. 

Þeir sem treysta sér ekki til að nota kerfið geta haft samband við innri endurskoðanda símleiðis eða með bréfpósti. Jafnframt er hægt að hafa samband við Fjármálaeftirlitið.

Hægt er að nálgast kerfið á slóðinni: https://report.whistleb.com/is/islandssjodir.

Telji viðskiptavinur mál sitt ekki hafa fengið efnislega umfjöllun eða úrlausn í samræmi við gildandi lög eða reglur Íslandssjóða, getur hann leitað til Umboðsmanns viðskiptavina Íslandsbanka, móðurfélags Íslandssjóða.

Fjármálaeftirlitið starfrækir upplýsinga- og leiðbeiningaþjónustu fyrir viðskiptavini eftirlitsskyldra aðila. Sjá nánari upplýsingar um neytendaþjónustu á vef Fjármálaeftirlitsins.

Viðskiptavinur getur skotið ágreiningi til Úrskurðarnefndar um viðskipti við fjármálafyrirtæki:

Katrínartún 2
105 Reykjavík
S: 520-3888
Tölvupóstur: urskfjarm@fme.is

Opnunartími afgreiðslu er frá kl. 9:00 til 16:00 virka daga. Símatími nefndarinnar er á þriðjudögum kl. 10-11 og fimmtudögum kl. 14-15.

Fylla þarf út sérstakt málskotseyðublað og skila eða senda í pósti til skrifstofu Fjármálaeftirlitins til að óska eftir úrskurði nefndarinnar. Jafnframt má nálgast málsskotseyðublað á heimasíðu Fjármálaeftirlitsins eða á skrifstofu þess. Nánari upplýsingar um nefndina, málskotsgjald, hverjir geta leitað til nefndarinnar o.fl. er að finna á vef Fjármálaeftirlitsins.