Í dag föstudaginn 3. desember verður framkvæmd útgreiðsla úr Sjóðum 1A, 1B, 11A og 11B sem eru í slitaferli hjá Íslandssjóðum. Útgreiðsluhlutföll m.v. eignastöðu sjóðanna þann 30. nóvember má sjá í eftirfarandi töflu.
| Útgreiðsluhlutföll | Sjóður 1A | Sjóður 11A | Sjóður 1B | Sjóður 11B |
| 12,6% | 30,5% | 12,6% | 30,7% |
Um er að ræða þriðju útgreiðsluna í sjóðum 1A og 11A og fimmtu útgreiðsluna í sjóðum 1B og 11B fyrir þá sem völdu þá leið í janúar 2009. Þeir sem völdu leið 1B og 11B í september 2009 eru að fá fjórðu útgreiðsluna nú.
Útgreiðslan verður lögð inn á bankareikninga sjóðfélaga hjá Íslandsbanka.
Vegna útgreiðslunnar bjóðum við sjóðfélögum í Sjóðum 1 og 11 að ávaxta sparifé sitt í Ríkisskuldabréfasjóðum Íslandssjóða án upphafskostnaðar. Tilboð þetta gildir til 10. desember nk. hjá ráðgjöfum Eignastýringar Íslandsbanka í síma 440-4920.
Við hvetjum sjóðfélaga til að hafa samband við ráðgjafa Eignastýringar Íslandsbanka í síma 440 4900 til að fá frekari upplýsingar.