Gárungarnir tala stundum um Super Mario bræðurna. Er þá átt við þá ítölsku kumpána,  Mario Dragi bankastjóra Evrópska Seðlabankans og Mario Monti forsætisráðherra Ítalíu. Það hefur verið í nógu að stússast hjá þeim síðan þeir tóku við embættum sínum fyrir nokkrum mánuðum, en Mario Monti var skipt inn á fyrir Milan-manninn Silvio Berlusconi.

Í meðfylgjandi grein er rætt um ástand mála á Ítalíu en hagvöxtur í landinu hefur verið lítill um langt skeið og skuldahlutfall ríkisins er hátt.  Þó að hið efnahagslega kastljós hafi á undanförnum beinst iðulega að öðrum löndum er ítalska hagkerfið risastórt þó að heldur hafi Ítalir færst aftar á merina á undanförnum áratugum þegar um ræðir þjóðarframleiðslu á mann.

Íslandssjóðir Inngangur skrifaður af sérfræðingum Íslandssjóða hf.