Stjórn Íslandssjóða hf., sem rekur verðbréfasjóði, fjárfestingarsjóði og fagfjárfestasjóði, hefur staðfest árshlutareikning félagsins fyrir fyrstu sex mánuði ársins 2013.

• Íslandssjóðir hf. - árshlutareikningur 30. júní 2013

Afkoma Íslandssjóða hf. fyrstu 6 mánuði ársins 2013

• Árshlutareikningi félagsins er skipt í tvo hluta, A-hluta sem inniheldur árshlutareikning Íslandssjóða og B-hluta sem inniheldur árshlutareikning verðbréfa- og fjárfestingarsjóða. Þessi framsetning á reikningnum er í samræmi við reglur um reikningsskil rekstrarfélaga verðbréfasjóða sem settar eru af Fjármálaeftirlitinu.
• Hagnaður rekstrarfélagsins eftir skatta fyrstu 6 mánuði ársins 2013 er 146 m.kr. samanborið við 127 m.kr. fyrir sama tímabil árið áður.
• Rekstrargjöld námu 479 m.kr. samanborið við 409 m.kr. fyrir sama tímabil árið áður og hækkuðu um 17,7%.
• Hreinar rekstrartekjur námu 662 m.kr. samanborið við 568 m.kr. fyrir sama tímabil árið áður, jukust um 16,5%.
• Eigið fé 30. júní 2013 nam 1.878 m.kr. en var 1.925 m.kr. í ársbyrjun.
• Heildareignir félagsins 30. júní 2013 námu 2.643 m.kr. en voru 3.006 m.kr. í árslok 2012.
• Eiginfjárhlutfall félagsins, sem reiknað er samkvæmt lögum um fjármálafyrirtæki, var 143,4% í lok júní, en þetta hlutfall má ekki vera lægra en 8,0%.
• Í lok júní 2013 voru 19 sjóðir í rekstri hjá félaginu og nam hrein eign þeirra 113.755 milljónum króna samanborið við 114.145 m.kr. í lok árs 2012. Þar af eru 15 verðbréfasjóðir með hreina eign að upphæð 99.017 milljónir króna og 4 fjárfestingarsjóðir með hreina eign að upphæð 14.738 milljónir króna. Einn sjóður sem skráður er í Lúxemborg er í stýringu félagsins.
• Stjórn samþykkti að sameina Lengri skuldabréfasjóðinn, sem yfirtekinn var frá rekstrarfélagi Byrs, við Ríkisskuldabréf - Sjóð 5. Gert er ráð fyrir að sameiningu sjóðanna verði lokið í septembermánuði.
• Árshlutareikningurinn hefur verið kannaður af Deloitte hf. en við könnun kom ekkert fram sem bendir til annars en að reikningurinn gefi glögga mynd af afkomu félagsins og sjóðanna á fyrstu 6 mánuðum ársins 2013.
• Á fyrri hluta ársins störfuðu 17 starfsmenn hjá Íslandssjóðum. Framkvæmdastjóri félagsins er Haraldur Örn Ólafsson.

Lykiltölur í m.kr.

Afkoma verðbréfasjóða Íslandssjóða fyrstu sex mánuði ársins

• Hagnaður verðbréfasjóða Íslandssjóða færður á hlutdeildarskírteini á fyrstu 6 mánuðum ársins nam 2.945 m.kr. samanborið við 2.136 m.kr. hagnað fyrstu sex mánuði ársins 2012.
• Hrein eign verðbréfasjóða Íslandssjóða nam 99.017 m.kr. samanborið við 104.057 m.kr. í árslok 2012.

Lykiltölur í m.kr.

Afkoma fjárfestingarsjóða Íslandssjóða fyrstu sex mánuði ársins

• Hagnaður fjárfestingarsjóða Íslandssjóða færður á hlutdeildarskírteini fyrstu sex mánuðina nam 1.206 m.kr. samanborið við 586 m.kr. hagnað fyrstu 6 mánuðina 2012.
• Hrein eign fjárfestingarsjóða Íslandssjóða nam 14.738 m.kr. samanborið við 10.088 m.kr. í árslok 2012.

Lykiltölur í m.kr.

Ársreikningur félagsins mun liggja frammi hjá Íslandssjóðum hf. Kirkjusandi 2, 4. hæð og á www.islandssjodir.is frá og með 3. september 2013.

Nánari upplýsingar um ársreikning Íslandssjóða hf. veitir Haraldur Örn Ólafsson, framkvæmdastjóri félagsins, í síma 440 4593.