Stjórn Íslandssjóða hf. sem rekur verðbréfa-, fjárfestingar- og fagfjárfestasjóði hefur staðfest ársreikning félagsins fyrir árið 2015.

• Íslandssjóðir hf. - Ársreikningur 2015

Afkoma Íslandssjóða hf. árið 2015

• Ársreikningi félagsins er skipt í tvo hluta, A-hluta sem inniheldur ársreikning Íslandssjóða hf. og B-hluta sem inniheldur ársreikninga verðbréfa- og fjárfestingarsjóða Íslandssjóða. Þessi framsetning á reikningnum er í samræmi við reglur um reikningsskil rekstrarfélaga verðbréfasjóða sem settar eru af Fjármálaeftirlitinu.
• Hagnaður Íslandssjóða hf. eftir skatta árið 2015 nam 532 m.kr. samanborið við 228 m.kr. árið 2014.
• Hreinar rekstrartekjur námu 1.587 m.kr. samanborið við 1.408 m.kr. árið áður.
• Rekstrargjöld námu 922 m.kr. samanborið við 1.123 m.kr. árið áður.
• Heildareignir félagsins námu 2.994 m.kr. í árslok 2015 en voru 2.600 m.kr. í ársbyrjun.
• Eigið fé í árslok 2015 nam 2.395 m.kr. en var 2.035 m.kr. í ársbyrjun.
• Eiginfjárhlutfall félagsins, sem reiknað er samkvæmt lögum um fjármálafyrirtæki, var 69,2% í árslok 2015 en þetta hlutfall má ekki vera lægra en 8,0%.
• Í lok desember 2015 voru 25 sjóðir í rekstri og slitum hjá félaginu og nam hrein eign þeirra 126.628 milljónum króna. Hagnaður færður á hlutdeildarskírteini eigenda verðbréfa- og fjárfestingarsjóða Íslandssjóða var 11.713 m.kr. árið 2015 samanborið við hagnað uppá 3.320 m.kr. árið 2014.
• Fjárfestingarsjóðurinn IS Einkasöfn var stofnaður í upphafi árs 2015 en sjóðurinn starfar í fimm sjóðsdeildum (A-E). Sjóðsdeildirnar eru blandaðar og fjárfesta bæði í öðrum sjóðum og stökum verðbréfum. Í desember voru stofnaðir tveir fjárfestingarsjóðir til viðbótar; IS Sértryggður sjóður og IS Sértryggður VTR sjóður.
• Ársreikningurinn hefur verið endurskoðaður af Ernst & Young ehf. sem telur að reikningurinn gefi glögga mynd af afkomu félagsins og sjóðanna á árinu 2015.
• Í lok desember 2015 störfuðu 11 starfsmenn hjá Íslandssjóðum. Framkvæmdastjóri félagsins er Haraldur Örn Ólafsson.

Lykiltölur í m.kr.

Afkoma verðbréfasjóða Íslandssjóða árið 2015

• Hagnaður verðbréfasjóða Íslandssjóða færður á hlutdeildarskírteini árið 2015 nam 6.006 m.kr., samanborið við 2.329 m.kr. árið 2014.
• Hrein eign verðbréfasjóða Íslandssjóða í árslok 2015 nam 83.528 m.kr. samanborið við 88.190 m.kr. árið 2014.

Lykiltölur í m.kr.

Afkoma fjárfestingarsjóða Íslandssjóða árið 2015

• Hagnaður fjárfestingarsjóða Íslandssjóða færður á hlutdeildarskírteini árið 2015 nam 5.707 m.kr. samanborið við 991 m.kr. árið 2014.
• Hrein eign fjárfestingarsjóða Íslandssjóða í árslok 2015 nam 43.100 m.kr. samanborið við 25.940 m.kr. árið 2014.

Lykiltölur í m.kr.

Ársreikningur félagsins er aðgengilegur á heimasíðu félagsins: www.islandssjodir.is og mun jafnframt liggja frammi hjá Íslandssjóðum hf. Kirkjusandi 2 og hjá VÍB, Eignastýringarþjónustu Íslandsbanka, frá og með 7. mars næstkomandi.

Nánari upplýsingar um ársreikning Íslandssjóða hf. veitir Haraldur Örn Ólafsson, framkvæmdastjóri félagsins, í síma 440 4593.

• Fréttatilkynning - Íslandssjóðir hf. - ársreikningur 2015