Íslandssjóðir hf. hlaut í dag, 22. ágúst 2023, viðurkenningu sem fyrirmyndarfyrirtæki í góðum stjórnarháttum níunda árið í röð ásamt sautján öðrum fyrirtækjum. Viðurkenninguna veita Stjórnvísi, Viðskiptaráð Íslands, Samtök atvinnulífsins og Nasdaq á Íslandi. Sjá fréttatilkynningu frá Viðskiptaráði Íslands hér.
Verkefnið fyrirmyndarfyrirtæki í góðum stjórnarháttum felur í sér að fyrirtækjum gefst tækifæri til að undirgangast formlegt mat á starfsháttum stjórnar og stjórnenda fyrirtækisins og byggir matsferlið í meginatriðum á leiðbeiningum um stjórnarhætti fyrirtækja sem Viðskiptaráð Íslands, Samtök atvinnulífsins og Nasdaq á Íslandi gefa út.
Nálgast má frekari upplýsingar um stjórnarhætti Íslandssjóða hér á vefsíðu félagsins.
22.08.2023